Urdu poetry, Urdu Shayari, Urdu ghazals, poems, Pakistani, Indian, nazms - Part 110
Image Image Image Image Image Image Image Image Image Image

Urdu poetry, Urdu Shayari, Urdu ghazals, poems, Pakistani, Indian, nazms | January 21, 2018

Scroll to top

Top

Juz Tere Koi Bhi Din Raat Na Janay Mere

Ahmad Faraz Poetry
Juz Tere Koi Bhi Din Raat Na Janay Mere
TU Kahan Hai Magar, Ay Dost Puraanay Mere ?
TU Bhi Khushbu Hai Magar Mera Tajassus Bekaar
Barq-e-Avaara Ki Manind Thikhane Mere
Shama Ki Lau Thi Ke Wo TU Tha Magar Hijr Ki Raat
Dair Tak Rota Raha Koi Sirhaane Mere
Khalq Ki Bekhabri Hai Ke Meri Rusvaai
Loog Mujh Ko Sunate Hain Fasaane Mere
Lut Ke Bhi Khush Hun Ashkon Se Bhara Hai Daman
Dekh Ghaarat-e-Dil Ye Bhi Khazane Mere
Aaj Ek Aur Baras Beet Gaya Os Ke Bagair
Jis Ke Hote Hue Hote Thay Zamane Mere
Kash TU Bhi Meri Aavaaz Sunta Ho
Phir Pukara Hai Tujhe Dil Ki Sadaa Ne Mere
Kash TU Bhi Kabhi Ajaye Masihai Ko
Loog Aate Hain Bohat Dil Ko Dukhane Mere
Kaash Auron Ki Tarah Main Bhi Keh Sakta
Baat Sun Li Hai Meri Aaj Khuda Ne Mere
TU Hai Kis Haal Main Ay Zud Faraamosh Mere
Mujh Ko Tou Chhin Liya Ehd-e-Vafa Ne Mere
Charagar Tou Bohat Hain Magar Ay Jaan-e-“Faraz”
Juz Tere Aur Koi Gham Na Jane Mere

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Ab Ke Rut Badli Tou Khushbu Ka Safar Dekhay Ga Kon

Ahmad Faraz Poetry
Ab Ke Rut Badli Tou Khushbu Ka Safar Dekhay Ga Kon ?
Zakham Phoolon Ki Tarah Mehkain Gain Per Dekhay Ga Kon ?
Dekhna Sab Raqs-e-Bismil Mein Magan Ho Jayein Ge
Jis Taraf Se Teer Aaye Ga Udher Dekhay Ga Kon ?
Zakham Jitnay Bhi Thay Sab Mansoob Qaatil Se Howay
Teray Haathon Ke Nishaa.n Ay Chaarahgar Dekhay Ga Kon ?
Wo Hawas Ho Ya Wafa Ho Baat Mehroomi Ki Hai
Loog Tou Phal Phool Dekhain Ge Shajar Dekhay Ga Kon ?
Har Koi Apni Hawaa Mein Mast Phirta Hai “Faraz”
Sheher-e-Na-Pursaan Mein Teri Chashm-e-Tar Dekhay Ga Kon ?

VN:F [1.9.22_1171]
Rating: 6.0/10 (1 vote cast)
VN:F [1.9.22_1171]
Rating: 0 (from 0 votes)

Aisa Nahi Ke Ham Ko Mohabbat Nahi Mili

Aisa Nahi Ke Ham Ko Mohabbat Nahi Mili
Tumhain Chahtay Thay, Per Teri Ulfat Nahi Mili
Milnay Ko Zindagi Mein Tou Kayi Hamsafar Milay
Per Un Ki Tabiyat Se Tabiyat Nahi Mili
Chehron Mein Dosron Ke Tujhe Dhoondtay Rahay
Soorat Nahi Mili Kaheen Seerat Nahi Mili
Bohat Dair Se Aaya TU Mere Paas
Alfaaz Dhoondnay Ki Bhi Mohlat Nahi Mili
Tujh Ko Gila Hai Ke Tawajja Na Di Tujhe
Laikin Ham Ko Tou Khud Apni Mohabbat Nahi Mili
Ham Ko Tou Teri Har Aadat Achi Lagi “Faraz”
Afsos Ke Tujh Se Meri Aadat Nahi Mili

VN:F [1.9.22_1171]
Rating: 1.0/10 (1 vote cast)
VN:F [1.9.22_1171]
Rating: -1 (from 1 vote)

Jis tarah khawab mere ho gaye raizaa raizaa..

Jis tarah khawab mere ho gaye raizaa raizaa,
Is tarah na kabhi toot ke bikhrey koi..

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Sapney buntey buntey umar guzar gayi apni..

Band aankh se sapney buntey buntey umar guzar gayi apni,
Tootey dil ke raizey chuntey chuntey umar guzar gayi apni,
Woh hum se bichar kar kese jeeta ho ga,
Bass yehi sochtey sochtey umar guzar gayi apni,
Us ki talaash main nikley, apna pata bhool gaye,
Phir khud ko khojtey khojtey umar guzar gayi apni,
Shamaa ban to gaye roshni ki khaatir,
Magar phir jaltey jaltey umar guzar gayi apni,
Uss ne anaa ki deewaar torr kar pukaara to sahi,
Lekin ruktey ruktey umar guzar gayi apni,
Ab yeh zindagi ussi ki amaanat hai Waqas,
Jiss ki raah taktey taktey umar gayi apni,,

VN:F [1.9.22_1171]
Rating: 9.0/10 (1 vote cast)
VN:F [1.9.22_1171]
Rating: 0 (from 0 votes)

Kuch aur kaam to hum se na ho saka..

Kuch aur kaam to hum se na ho saka lekin,
Tumhare hijar ka ik ik azaab likha hai..

VN:F [1.9.22_1171]
Rating: 5.0/10 (1 vote cast)
VN:F [1.9.22_1171]
Rating: 0 (from 0 votes)

Lamhaa bhar ki dostiyaa’n ab sataayen gi..

Mujhe lamhaa bhar ki dostiyaa’n ab aur bhi sataayen gi,
Meri umar bhar ki jo pyaas thi, wohi log mujhse bichar gaye..

VN:F [1.9.22_1171]
Rating: 5.5/10 (2 votes cast)
VN:F [1.9.22_1171]
Rating: 0 (from 0 votes)

Dosti itni barhi us se judai ho gayi..

Dosti itni barhi us se judai ho gayi,
Dekhte hi dekhte sabzey se kaayi* ho gayi,
Jesa suntey they kabhi wesa zamana ageya,
Rog sastey ho gaye mehngi dawaayi ho gayi,
Ab to matti main bhi pehli si wafaa baqi nahin,
Khait banjar ho gaye aur rut paraayi ho gayi,
Shaam ko dholakk ki layy per gaa rahi thi larkiyan,
Hum rahe chup chaap aur us ki sagaayi ho gayi,
Ik nazar main cheen kar woh meri duniya le geya,
Aik pal main zindagi bhar ki kamaayi ho gayi..

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Talkh itni thi ke peenay se zubaan jalti thi..

Talkh itni thi ke peenay se zubaan jalti thi,
Zindagi aankh ke paani mein mila li mene..

VN:F [1.9.22_1171]
Rating: 7.5/10 (2 votes cast)
VN:F [1.9.22_1171]
Rating: 0 (from 0 votes)

Do gharri pyaar ki karain batain..

Do gharri pyaar ki karain batain,
Dil jalaney ko umar saari hai..

VN:F [1.9.22_1171]
Rating: 6.0/10 (3 votes cast)
VN:F [1.9.22_1171]
Rating: 0 (from 0 votes)