Ghazal Shayari
Image Image Image Image Image Image Image Image Image Image

Urdu poetry, Urdu Shayari, Urdu ghazals, poems, Pakistani, Indian, nazms | June 25, 2018

Scroll to top

Top

Ghazal Shayari

Urdu Ghazals by famous Pakistani and Indian poets. largest collection of Urdu Shairy,Urdu Ghazals,Love Poetry ,Poets,Poetry and others.

Itna To Dosti Ka Silaah Dijiye Mujhe

Itna To Dosti Ka Silaah Dijiye Mujhe,
Apna Samajh Ke Zeher Pila Dijiye Mujhe;

Uthe Na Taa-Ke Aap Ki Janib Nazar Koi,
Jitni Bhi Tohmtain Hain Lagaa Dijiye Mujhe;

Kyon Aap Ki Khushi Ko Mera Gham Kare Udaas,
Ik Talkhh Haadsa Hun Bhula Dijiye Mujhe;

Main Aap Ke Kareeb Hi Hota Hun Har Ghadi,
Mauka Kabhi Pade To Sada Dijiye Mujhe;

Har Cheez Dastiyaab Hai Bazaar Mein Adam,
Jhoothi Khushi Khareed Ke La Dijiye Mujhe!

VN:F [1.9.22_1171]
Rating: 9.5/10 (2 votes cast)
VN:F [1.9.22_1171]
Rating: 0 (from 0 votes)

Ab Woh Ghar Tak Viraana Tha Bas Viraana Zinda Tha

Ab Woh Ghar Tak Viraana Tha Bas Viraana Zinda Tha,
Sab Aankhen Damm Tod Chuki Thi Aur Main Tanha Zinda Tha;

Saari Gali Sunsaan Padi Thi Baad-E-Fana Ke Pehre Mein,
Hijr Ke Dalaan Aur Aangan Mein Bas Ik Saaya Zinda Tha;

Woh Dopeher Apni Rukhsat Ki Aisa Waisa Dhoka Thi,
Apne Andar Apni Laash Uthaaye Main Jhootha Zinda Tha;

Thi Woh Ghar Raatein Bhi Kahani Vaade Aur Phir Din Ginna,
Aana Tha Jaane Wale Ko Jaane Wala Zinda Tha;

Dastak Dene Wale Bhi The Dastak Sunne Wale Bhi,
Tha Abaad Mohalla Sara Har Darwaza Zinda Tha;

Peele Patton Ko Seh-Pehr Ki Vehshat Pursa Deti Thi,
Aangan Mein Ik Aundhe Ghade Par Bas Ik Kava Zinda Tha!

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Deedaar Ki Hawas Hai Na Shauq-E-Visaal Hai

Deedaar Ki Hawas Hai Na Shauq-E-Visaal Hai,
Azaad Har Khayal Se Mast-E-Khayal Hai;

Keh Do Yeh Kohkan Se Hi Marna Nahi Kamaal,
Mar Mar Ke Hijr-E-Yaar Main Jeena Kamaal Hai;

Fatva Diya Hai Mufti Abr-E-Bahaar Ne,
Tauba Ka Khooon Baada-Kashon Ko Halaal Hai;

Aankhen Bata Rahi Hain Jaage Ho Raat Ko,
In Saaghron Mein Buu-E-Sharab-E-Visaal Hai;

Barsaao Teer Mujh Pe Par Itna Jaan Lo,
Pehlu Mein Dil Hai Dil Mein Tumhara Khayal Hai;

Aankhen Lada Ke Un Se Hum Aafaat Mein Pad Gaye,
Aankhon Ki Har Zubaan Pe Dil Ka Sawaal Hai;

Bhutt Keh Diya Jo Maine To Ab Bolte Nahin,
Itni Si Baat Ka Tumhe Itna Khayal Hai;

Pucha Jo Unse Jaante Ho Tum Jaleel Ko,
Bole Ke Haan Woh Shayer-E-Naazuk-Khayal Hai!

VN:F [1.9.22_1171]
Rating: 1.0/10 (1 vote cast)
VN:F [1.9.22_1171]
Rating: 0 (from 0 votes)

Baat Karni Mujhe Mushkil Kabhi Aisi To Na Thi

Baat Karni Mujhe Mushkil Kabhi Aisi To Na Thi;
Jaisi Ab Hai Teri Mehfil Kabhi Aisi To Na Thi;

Le Geya Cheen Ke Kaun Aaj Tera Sabr-o-Qaraar;
Beqarari Tujhe Ai Dil Kabhi Aisi To Na Thi;

Chashm-e-Qatil Meri Dushman Thi Hamesha Lekin;
Jaise Ab Ho Gayi Qatil Kabhi Aisi To Na Thi;

Un Kee Aankhon Ne Khudaa Jaane Kiya Kya Jadoo;
Ki Tabiyat Meri Maail Kabhi Aisi To Na Thi;

Aks-e-Rukh-e-Yaar Ne Kis Se Hai Tujhe Chamakaya;
Taab Tujh Mein Maah-e-Kaamil Kabhi Aisi To Na Thi;

Kya Sabab Tu Jo Bigadta Hai ‘Zafar’ Se Har Baar;
Khoo Teri Hoor-e-Shamaail Kabhi Aisi To Na Thi!

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Koi Kaanta Chubha Nahi Hota

Koi Kaanta Chubha Nahi Hota;
Dil Agar Phool Sa Nahi Hota;

Kuch To Majabooriyan Rahi Hongi;
Yun Koi Bewafa Nahi Hota;

Guftagu Un Se Roz Hoti Hai;
Muddaton Saamana Nahi Hota;

Jee Bahut Chahta Sach Bole;
Kya Karein Haunsala Nahi Hota;

Raat Ka Intezar Kaun Kare;
Aaj Kal Din Mein Kya Nahi Hota!

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Taaron Se Mera Jaam Bharo Main Nashe Mein Hun

Taaron Se Mera Jaam Bharo Main Nashe Mein Hun;
Ai Sakinaan-e-Khuld Suno Main Nashe Mein Hun;

Kuch Phool Khil Rahe Hain Sar-e-Shakh-e-May-Kada;
Tum Hi Zara Ye Phool Chuno Main Nashe Mein Hun;

Thehro Abhi To Subah Ka Maara Hai Zau-Phishan;
Dekho Mujhe Fareb Na Do Main Nashe Mein Hun;

Nasha To Maut Hai Gham-e-Hasti Kee Dhoop Mein;
Bikhara Ke Zulf Saath Chalo Main Nashe Mein Hun;

Mela Yun Hi Rahe Ye Sar-e-Rahguzar-e-Zeest;
Ab Jaam Saamne Hi Rakho Main Nashe Mein Hun;

Payal Chanak Rahi Hai Nigaar-e-Khayal Kee;
Kuch Ehatimaam-e-Raqs Karo Main Nashe Mein Hun;

Main Dagmaga Raha Hun Bayabaan-e-Hosh Mein;
Mere Abhi Kareeb Raho Main Nashe Mein Hun;

Hai Sirf Ek Tabasum-e-Rangeen Bahut Mujhe;
‘Saghar’ B-Dosh Lala-Rukhon Main Nashe Mein Hun!

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: +1 (from 1 vote)

Aur Bhi Ho Gaye Begana Wo Gaflat Karke

Aur Bhi Ho Gaye Begana Wo Gaflat Karke;
Aazamaya Jo Unhein Tark-e-Mohabbat Karke;

Dil Ne Chhodaa Hai Na Chhode Tere Milne Ka Khayal;
Baaraha Dekh Liya Humne Malamat Karke;

Ruh Ne Payi Hai Takleef-e-Judai Se Nijaat;
Aapki Yaad Ko Saramaya-e-Rahat Karke;

Chhed Se Ab Wo Ye Kehte Hain Ki Sambhlo ‘Hasarat’;
Sabr-o-Taab-e-Dil-Beemaar Ko Garat Karke!

VN:F [1.9.22_1171]
Rating: 6.1/10 (7 votes cast)
VN:F [1.9.22_1171]
Rating: +3 (from 3 votes)

Nigahein Naaz Ne Parde Uthaye Hain Kya-Kya

Nigahein Naaz Ne Parde Uthaye Hain Kya-Kya;
Hijaab Ahle Mohabbat Ko Aaye Hain Kya-Kya;

Jahaan Mein Thi Bas Ek Afwah Tere Jalwon Kee;
Charag-e-Dair-o-Haram Jhilmilaein Hai Kya-Kya;

Kahin Charag, Kahin Gul, Kahin Dil Barbaad;
Kheramein Naaz Ne Kitne Uthaye Hain Kya-Kya;

Payamein Husn, Payamein Junoon, Payamein Fana;
Teri Nigah Ne Phasane Sunaye Hain Kya-Kya;

‘Firaq’ Raahe Wafa Mein Sabak Ravi Teri;
Bade Badon Ke Kadam Dagmagaein Hain Kya-Kya!

VN:F [1.9.22_1171]
Rating: 5.0/10 (3 votes cast)
VN:F [1.9.22_1171]
Rating: -1 (from 1 vote)

Woh Kuch Gehri Soch Mein Aise Doob Geya Hai

Woh Kuch Gehri Soch Mein Aise Doob Geya Hai;
Baithe Baithe Nadi Kinare Doob Geya Hai;

Aaj Kee Raat Na Jaane Kintni Lambi Hogi;
Aajka Suraj Shaam Se Pehle Doob Geya Hai;

Woh Jo Pyasa Lagta Tha Sailab-Zada Tha;
Paani Paani Kehte Kehte Doob Geya Hai;

Shor To Yun Utha Tha Jaise Ik Toofan Ho;
Sanaate Mein Jaane Kaise Doob Geya Hai;

Aakhiri Khawhish Poori Kar Ke Jeena Kaisa;
“Anees” Bhi Sahil Tak Aa Ke Doob Geya Hai!

VN:F [1.9.22_1171]
Rating: 3.2/10 (5 votes cast)
VN:F [1.9.22_1171]
Rating: +1 (from 3 votes)

Muhabbat is qadar mushkil amal hai..

Muhabbat is qadar mushkil amal hai
Itni zalim, itni sangdil hai
Agar maloom ho jata
To dil key agey hath rakh deti
Sar ko jhuka leti
Dil sey zidi bachey ko mana leti
Chaht’on ki rah itni kathin hai
Key apney ghair ho jatey hein
Dil mein dard bo jatey hein
Agar maloom ho jata
Bohat safak ho jati
Magar tum sey na ye sunti
Tum’hein mujh sey muhabbat hai
Kabhi tum sey na ye kehti
Mujhey tum sey muhabbat hai

VN:F [1.9.22_1171]
Rating: 1.0/10 (1 vote cast)
VN:F [1.9.22_1171]
Rating: +2 (from 2 votes)