Amjad Islam Amjad Poetry - Part 2
Image Image Image Image Image Image Image Image Image Image

Urdu poetry, Urdu Shayari, Urdu ghazals, poems, Pakistani, Indian, nazms | September 22, 2018

Scroll to top

Top

Amjad Islam Amjad Poetry

Koi bhi aadmi pura nahin hai..

Amjad Islam Amjad Poetry

Koi bhi aadmi pura nahin hai,
Kahin ankhain kahin chehra nahin hai,

Yahan se kyon koi begana guzre,
Yeh mere khawb hain rasta nahin hai,

Jahan par they teri palkon ke saye,
Wahan ab koi saaya nahin hai,

Zamana dekhta hai har tamasha,
Yeh larka khel se thakta nahin hai,

Hazaron sheher hain hamraah us ke,
Musafir sheher mein tanhaa nahin hai,

Yeh kese khawb se jaagi hain ankhain,
Kisi manzar pe dil jamta nahi hai,

Jo dekho to har ik jaanib samandar,
Magar peeney ko ik qatra nahin hai,

Khudaa ki hai yehi pehchaan shayed,
Ke koi aur us jesa nahin hai..

VN:F [1.9.22_1171]
Rating: 8.5/10 (2 votes cast)
VN:F [1.9.22_1171]
Rating: 0 (from 0 votes)

Koi Mausam Ho, Dil Mein Hai Tumhaari Yaad Ka Mausam

Amjad Islam Amjad Poetry

Koi Mausam Ho, Dil Mein Hai Tumhaari Yaad Ka Mausam
Ke Badla Hee Nahee Jaanan Tumharay Baad Ka Mausam

Nahee Tou Aazma Ke Dekh Lo, Kaisay Badalta Hai ?
Tumhaaray Muskaraanay Se Dil-e-Nashaad Ka Mausam

Kaheen Se Os Haseen Awaaz Ki Khusbuu Pukaaray Gi
Tou Is Ke Saath Badlay Ga Dil-e-Barbaad Ka Mausam

Qafas Ke Baam-o-Dar Mein Roshni Si Aayi Jaati Hai
Chaman Mein Aagaya Shayad Lab-e-Aazaad Ka Mausam

Mere Sheher-e-Pareshaan Mein Teri Be-Chaand Raaton Mein
Bohat Hee Yaad Karta Hun Teri Bunyaad Ka Mausam

Na Koi Gham Khizaan Ka Hai, Na Khwaahish Hai Bahaaron Ki
Hamaaray Saath Hai “Amjad” Kisi Ki Yaad Ka Mausam

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Mujhe khud se hain shikaytain, Mujhe zindagi se gilaa nahin..

Amjad Islam Amjad Poetry

Mujhe khud se hain shikaytain, Mujhe zindagi se gilaa nahin,
Ke jo chaha mene woh paa liya, Nahin aesa kuch jo mila nahin,

Mere aas paas hai roshni, Mere raaston mein chirag hain,
Yeh tere karam ka hai mojzaa, Meri justuju ka silaa nahin,

Teri aankh se jo haseen ho, Woh nigaah jag main bani nahin,
Tere rukh ko jis se misaal doon, Koi aesa phool khilaa nahin,

Yeh jo teri zulf ka hai haashia, Yeh jo tera chehra hai khush’numa,
Koi raat aesi siyaah nahin, Kisi subaah mein yeh jala nahin,

Yeh jo mehr-o-maa ki hain haaltain! Yeh jo aayino ki hain hairtain,
Hain azzal se sab yeh isi tarah, Koi apni jagha se hillaa nahin..

VN:F [1.9.22_1171]
Rating: 10.0/10 (1 vote cast)
VN:F [1.9.22_1171]
Rating: 0 (from 0 votes)

Aaj yun muskuraa ke aye ho, Sab kuch bhulaa ke aye ho..

Amjad Islam Amjad Poetry

Aaj yu’n muskuraa ke aye ho,
Jese sab kuch bhulaa ke aye ho,

Yeh nishani hai dil ke lagne ki,
Yeh jo tum aaj jaa ke aaye ho,

Bhool kar bhi jis tarah koi aye,
Sheher mein yu’n wafaa ke aye ho,

Kyon jhapakti nahin meri ankhain,
Chandni main nahaa ke aye ho,

Dil samandar mein chaand sa utra,
Kesi khushbu laga ke aye ho,

Subah ki avleen kiran ki tarah,
Raat saari jagaa ke aye ho,

Kya bahana bana ke jana hai,
Kya bahana bana ke aye ho,

Koi jhonkey se kis tarah pooche,
Kitni shamain bhujaa ke aye ho,

Aagaye ho to aao, Bismillah,
Der lekin lagaa ke aye ho,

Be’kali is qadar kyon Amjad,
Kya kahin kuch ganwaa ke aye ho..

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Chale gi yeh pareshaani kahan tak..

Amjad Islam Amjad Poetry

Chale gi yeh pareshaani kahan tak,
Bata aye ghar ki veerani kahan tak,

Bohat lambi thi ab ke, khushk’saali*,
Barastaa ankh se paani kahan tak,

Tere tootey huye gajron ke hote,
Mehekti raat ki raani kahan tak,

Rukey gi kab talak saanson mein khushbu,
Urrey ga rang yeh dhaani kahan tak,

Khilona hai isey to tootna hai,
Karain dil ki nigehbaani* kahan tak,

Usey baadal bulate hain hamesha,
Samandar main rahe paani kahan tak..

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Humain to woh bohat achey lage hain..

Amjad Islam Amjad Poetry

Humain to woh bohat achey lage hain,
Najane hum unhen kese lage hain,

To kya yeh par nikalne ka hai mausam,
Hawaa main jaal se khulney lage hain,

Naye qaatil ka istaqbaal hai kya,
Puraney zakham kyon bharney lage hain,

Ajab hai yeh talissm* hum-zubaani,
Paraaye log bhi apne lage hain,

Dilon ka bhaid* Allah janta hai,
Bazaahir* aadmi achey lage hain..

VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Dilon se mehr-o-wafaa, Aankh se hayaa nikle..

Amjad Islam Amjad Poetry

Dilon se mehr-o-wafaa, aankh se hayaa nikle,
To aese sheher ki galiyon mein koi kya nikle,

Pakarti reh gayi ratain hamare saayo’n ko,
Hum aik khawb mein doobey to jaa’bjaa* nikle,

Ajab nahin inhi dar’warsan main phool khilain,
Koi bahaar ka qaasid* idhar jo aa nikle,

Wohi falak* tha, wohi raat thi, wohi mausam,
Magar hamare sitare judaa judaa nikle,

Yeh ab jo rait si saarey mein urti phirti hai,
Kisey khabar ke kisi raaste mein ja nikle,

Samajh main kuch nahin aata yeh raasta Amjad,
Chale they us ki taraf, apni simt aa nikle..

VN:F [1.9.22_1171]
Rating: 10.0/10 (1 vote cast)
VN:F [1.9.22_1171]
Rating: 0 (from 0 votes)

Meri sochain badalti ja rahi hain..

Amjad Islam Amjad Poetry

Meri sochain badalti ja rahi hain,
Ke yeh cheezain badalti ja rahi hain,

Tamasha aik hai roz-e-azal se,
Fakat aankhain badalti ja rahi hain,

Badalte manzron ke aayine mein,
Teri yadain badalti ja rahi hain,

Dilon se jorrti thi jo dilon ko,
Woh sab rasmain badalti ja rahi hain,

Adhoori, na’mukamma khawhishain kyon,
Neyi shaklain badati ja rahi hain,

Agar manzil wohi hai rahiyon ki,
To kyon raahain badati ja rahi hain,

Najaney kyon mujhe lagta hai Amjad,
Ke woh nazrain badalti ja rahi hain..

VN:F [1.9.22_1171]
Rating: 5.0/10 (1 vote cast)
VN:F [1.9.22_1171]
Rating: 0 (from 0 votes)

Hai Amjad aaj tak woh shakhss dil main..

Amjad Islam Amjad Poetry

Hai Amjad aaj tak woh shakhss dil main,
Ke jo uss waqt bhi mera naheen thaa..

VN:F [1.9.22_1171]
Rating: 10.0/10 (1 vote cast)
VN:F [1.9.22_1171]
Rating: 0 (from 0 votes)

Khud se hain shikaaytain, zindagi se gilaa nahin..

Amjad Islam Amjad Poetry

Mujhe khud se hain shikaaytain, mujhe zindagi se gilaa nahin,
Ke jo chaha mene woh paa liya, nahin aesa kuch jo mila nahin,

Mere aas paas hai roshni, mere raston mein chiraag hain,
Yeh tere karam ka hai mojza, meri justuju ka silaa nahin,

Teri aankh se jo haseen ho, woh nigaah jag mein bani nahin,
Tere rukh ko jis se misaal doon, koi aesa phool khila nahin,

Yeh jo teri zulf ka hai haashiya, yeh jo tera chahra khushnuma,
Koi raat aesi seyaah nahin, kisi subah main yeh jilaa nahin,

Yeh jo mehr-o-maa ki hain haaltain, yeh jo aayinon ki hain hertain,
Hain azzal se yeh isi tarah, koi apni jaa se hilaa nahin..

VN:F [1.9.22_1171]
Rating: 9.0/10 (1 vote cast)
VN:F [1.9.22_1171]
Rating: +1 (from 1 vote)