bazicha-e-atfal hai duniya mere age
Image Image Image Image Image Image Image Image Image Image

Urdu poetry, Urdu Shayari, Urdu ghazals, poems, Pakistani, Indian, nazms | May 23, 2018

Scroll to top

Top

No Comments

bazicha-e-atfal hai duniya mere age

Advertisements

bazicha-e-atfal hai duniya mere age
hota hai shab-o-roz tamasha mere age

ik khel hai aurang-e-suleman mere nazdik
ik bat hai ejaz-e-masiha mere age

juz nam nahi surat-e-alam mujhe manzur
juz waham nahi hasti-e-ashiya mere age

hota hai nihan gard mein sehra mere hote
ghista hai jabin khak pe dariya mere age

mat puch k kya hal hai mera tere piche
tu dekh k kya rang hai tera mere age

sach kahte ho khudbin-o-khudara hun na kyon hun
baitha hai but-e-aina sima mere age

phir dekhiye andaz-e-gulafshani-e-guftar
rakh de koi paimana-e-sahba mere age

nafrat ka guman guzre hai main rashk se guzra
kyon kar kahun lo nam na us ka mere age

iman mujhe rok hai jo khinche hai mujhe kufr
kaba mere piche hai kalisa mere age

ashiq hun pe mashuqfarebi hai mera kam
majnun ko bura kahti hai laila mere age

khush hote hain par wasl mein yun mar nahi jate
ai shab-e-hijaran ki tamanna mere age

hai maujzan ik qulzum-e-khun kash! yahi ho
ata hai abhi dekhiye kya-kya mere age

go hath ko jumbish nahi ankhon mein to dam hai
rahne do abhi sagar-o-mina mere age

Advertisements

hampesha-o-hammasharab-o-hamraz hai mera
?ghalib? ko bura kyon kaho acha mere age

Advertisements
VN:F [1.9.22_1171]
Rating: 0.0/10 (0 votes cast)
VN:F [1.9.22_1171]
Rating: 0 (from 0 votes)

Submit a Comment